Стаханаўскі рух у сельскай гаспадарцы БССР падчас другой пяцігодкі (1935–1937 гг.)

Abstract

Адным з ключавых феноменаў савецкай гісторыі, што паўплываў на развіццё эканомікі, сацыяльных адносін і псіхалогію грамадства, з’яўляецца стаханаўскі рух. Гэта форма сацыялістычнага спаборніцтва бярэ свой пачатак з 1935 г. і ў далейшым атрымлівае сваё развіццё практычна ва ўсіх сферах гаспадарчай дзейнасці. У гістарыяграфіі тэма стаханаўскага руху разглядалася пераважна праз аналіз метадаў працы ў прамысловасці і іх уплыў на павышэнне прадукцыйнасці яе ключавых галін. У той жа час даследаванне спецыфікі стаханаўскага руху ў сельскай гаспадарцы не знайшло належнага адлюстравання ў працах гісторыкаў. У гэтым кантэксце як раз эканоміка БССР першых пяцігодак уяўляла сабой той прыклад, дзе сельскагаспадарчая вытворчасць займала значнае месца, а працэс разгортвання стаханаўскага руху ў калгасах і саўгасах стаў новым этапам арганізацыі працоўнай дзейнасці. Мэтай даклада з’яўляецца выяўленне асаблівасцяў разгортвання стаханаўскага руху ў сельскай гаспадарцы БССР у гады другой пяцігодкі.